Idadaan ko sa feng shui
ang Valentine ngayon Kung Hei Fat Choi
kahit ako ay di naman Tsinoy.
Malas man o swerte,
Aba'y masasagot 'yan ng kristal
o diamante. Di lang makalimutang
sa estante maglagay ng gintong
pusang walang tigil ang pagkaway.
Baka sakaling sa iyong pagdaan
tuluyan kang pumasok at puso'y buksan
huwag lang mag-atubili
baka ang pusang ito'y maging
Tigre. At tuluyang maunsyami
sa iyong pagtanggi.
Sa pagsalubong ng bagong taon
pag-ibig din ba'y singkulay ng fireworks?
Pintig ng puso ba'y sing-ingay ng tambol?
Marahil kasingharot ng iyong alaala
ang sayaw ng dragon na humahalina
sa aking diwa. Tumatagos ang nag-aalab
niyang hininga.
Ganunpaman, sa kabila ng iyong
mga paniniwala--pipillin mo pa rin bang
handugan kita ng rosas at tsokoleyt?
Kasi, kahit ano ko mang pilit
hindi ko pa rin malaman kung paano
paibigin ang kagaya mong Intsik.
Mag-subscribe sa:
I-post ang Mga Komento (Atom)
Walang komento:
Mag-post ng isang Komento