Mirasol (samtang nagapatuklad sa Bucari) Ni El Cid Togonon

Bulak ikaw nga ilahas
Sa akun pagtuklad
Nagatabo ang kaanyag
Sa bako-bako nga karsada
Samtang ginatuklad dyang
Sitiong ginapabugal nanda.

Ginbugayan ikaw it wangis
Pareho sa dagway kang adlaw
Agud magdulot kainit
Sa nagaparangramig ko nga panit.

May duna kaw nga lumay
Bulak nga ilahas,
Tanhaga kaw nga tinuga
Nga nagatugro it kasadya
Bisan ang akun kalawasan
Ginabarabaliswa.

Sa akun byahe nga tayuyon
Ikaw pat-ud ginahandum
Ugaring patas kang adlaw
Ikaw sarang ko maturuk
Sa marayu gid lamang.