Ni Norman Darap
Kung amat-amat nga gadulum
ang palibot,
gaumpisa man magtiriripon
ang anang mga sinakpan,
sanda tanan nagaaragaway
sa kada binlod nga ginasab-og
halin sa anang lauhon
kag kakudog nga alima.
Ang anang kakapoy
subra pa sa kairab
kag kahidlaw kang anang ginabubudan.
Mayad pa sanda,
bilog nga adlaw lang
nga nagapamaron-maron
kag gatusik sa binlod
nga anda makita.
Samtang nga tana
nagabira-bira sauy
sa maramig nga taramnan
kag ginasiktot ang kalawasan
sa tagit-ti kang adlaw.
Mag-subscribe sa:
I-post ang Mga Komento (Atom)
Walang komento:
Mag-post ng isang Komento