Ni Norman Darap
Gaharon ron ang palibot,
nadulman ang anang pag-israhanon
sa babaw kang tambi,
ang kamingaw kang anang paminsaron
ginringkadol kang pag-usbong
kang huni kang mga sirum-sirum.
Ang anang madalum nga pagturok sa lawod
ginsabadan kang mga gahurulog
nga dahon tungod sa mapagrus
nga hangin.
Ang gararapta kag laya nga dahon
nagtiriripon sa kahig
kang anang pagkasubo,
nagtumpok-tumpok
sa mabuhay mga paghinulat,
natutdan sa kaugot,
nagpausbong kang kapaang kag kasanag
sa kadulum kang sirum.
Ang anang aso nga
nagararambud sa hangin
nagpamugaw sa mga lamok.
Hasta tana,
nagsikungkung,
nagpanampuay sa atubang
kang gakadabkadab nga kalayo
nga gatugro kana kainit
sa mabugnaw nga kagab-ihon.
Mag-subscribe sa:
I-post ang Mga Komento (Atom)
Walang komento:
Mag-post ng isang Komento